به‌پێی سه‌رچاوه‌كانی هه‌واڵی توركیا سه‌رۆك وه‌زیرانی توركیا ره‌جه‌ب ته‌یب ئه‌ردۆغان له‌ لێدوانێكدا وتوويه به‌ نیازین پاكێجی دیموكراسی هه‌فته‌ی داهاتوو و له‌ رۆژی كۆتایی ئه‌م مانگه‌دا كه‌ ده‌كاته‌ دووشه‌ممه‌ له‌ ئه‌نقه‌ره‌ بۆ ڕای گشتی بخوێنینه‌وه‌.
ئه‌ردۆغان ووتیشی: ئێمه‌ هیچ لارییه‌كمان له‌ دیموكراسی نییه‌ و هیچ پاكێجیشیمان نییه‌ له‌ كه‌سی بشارینه‌وه‌ و به‌پێی باش بوونی هه‌لومه‌رجه‌كان یه‌كه‌ به‌ یه‌كه‌ هه‌موو قه‌ده‌غه‌كانمان لابرد و به‌ خوێندنه‌وه‌ی ئه‌و پاكێجه‌ش لاپه‌ڕه‌یه‌كی نوێ له‌ قۆناغی 11 ساڵی داهاتوودا ده‌كه‌ینه‌وه‌.
ووتیشی: له‌ كاتی بلاَوبونه‌وه‌ی پاكێجی دیموكراسی ڕای گشتی گفتوگۆی له‌سه‌ر ده‌كات و ده‌چێته‌ په‌رله‌مانه‌وه‌ و به‌ پارته‌كانی ئۆپۆزسیۆنمان راگه‌یاندوه‌ با به‌ ده‌ستورێكی نوێوه‌ بكه‌وینه‌ هه‌مواركردنه‌وه‌یه‌كی نوێ، ئه‌گه‌ر هاوڕابن له‌گه‌ڵمان ئه‌وا ده‌ستوری نوێ له‌ ماوه‌ی 15 رۆژ دا ته‌واو ده‌بێت، ته‌نانه‌ت با مانگێكیش بێت.