راستییه کان

^{دوێنێ وه‌فدێكی پارتی ئاشتی و دیموكراتی بۆ گه‌یاندنی نامه‌كه‌ی عه‌بدولاَ ئۆجه‌لان بۆ په‌كه‌كه‌ به‌ره‌و قه‌ندیل به‌ڕێكه‌وتون و چاوه‌ڕێ ده‌كرێت بانگه‌وازی كشانه‌وه‌ی بێ چه‌كی تێدا بێت .
به‌پێی هه‌واڵێكی سایتی ته‌ره‌فی توركی: دوای سه‌ردانی وه‌فدێكی پارتی ئاشتی و دیموكراتی به‌ده‌په‌، بۆ ئیمرالی، له‌ چه‌ند رۆژی رابردوودا سه‌ردانی هه‌رێمی كوردستانیان كردوه‌ و دوێنێش ئه‌و وه‌فده‌ به‌ره‌و چیای قه‌ندیل به‌ڕێكه‌وتون بۆ گه‌یاندنی نامه‌كه‌ی عه‌بدولاَ ئۆجه‌لان ، پێشبینی ده‌كرێت په‌یامی كشانه‌وه‌ی بێ چه‌كی تێدا بێت .
وه‌فده‌كه‌ له‌ سه‌لاَحه‌دین ده‌میرتاشی هاوسه‌رۆك و سرری سورییا ئۆنده‌ر په‌رله‌مانتارانی به‌ده‌په‌ پێكهاتون و په‌روین بوڵدان په‌رله‌مانتاری ئه‌و پارته‌ به‌ جیا به‌ره‌و ئه‌وروپا به‌ڕێكه‌وتوه‌ كه‌ پێشبینی ده‌كرێت به‌ مه‌به‌ستی گه‌یاندنی په‌یامه‌كه‌ی ئۆجه‌لان بوبێت .
له‌ لایه‌كی تره‌وه‌ به‌پێی ئه‌و رۆژنامه‌یه‌ باس له‌وه‌  ده‌كرێت كه‌ كاتی كشانه‌وه‌ی بێ چه‌كی په‌كه‌كه‌ رێكه‌وتی یه‌كی مایس كه‌ رۆژی جیهانی كرێكاران ده‌كات كشانه‌وه‌ی بێ چه‌ك ئه‌نجامبدرێت .}