ناوه‌ندگه‌رايي په‌ژاك
ناوه‌ندگه‌رايي په‌ژاك
كوردستان له 50 شه‌ست سالَي دواييدا هه‌رده‌م ده‌ستخوَشي سياسه‌ت و بيروبوَچووني جياوازي پارته كوردييه‌كان بووه كه هه‌ريه‌كيان له ژيَر ناويَكدا بيروبوَچوونه‌كاني خوَيان به سه‌ر گه‌لي كوردا سه‌پاندووه. يه‌ك له توندوتولَتريني ئه‌م لايه‌نانه، په‌ژاكه كه ته‌مه‌نيَكي زوَريشي نييه.
ئه‌م فرقه كه له‌سه‌ر بنه‌ماي هزر و راماني عه‌بدولاَ ئوَجالان و ريَبازه‌كاني پ‌ك‌ك به‌ريَوه ده‌چيَت، خوَي به ناوه‌ندي هزر، سياسه‌ت و كوردايه‌تي له كوردستان ناوه‌زه‌د كردووه و پيَي وايه ده‌بيَت هه‌ر‌كه‌س و لايه‌نيَك گويَراگري ئه‌وان بن و بيَجگه ئه‌وان كوردي ديكه له‌م ولاَته نييه. ئه‌مه له‌كاتيَكدايه كه نه گه‌لي كورد و نه پارت و لايه سياسيه‌كان، په‌ژاك به پارت و لايه‌نيَكي كوردي كه نوَيَنه‌رايه‌تي به‌شيَك له‌كورداني ئه‌م ناوچه‌يه بكات، نازانن.
له‌م دوايانه په‌ژاك و گه‌وره توركيايه‌كه‌ي (پ‌ك‌ك) كه‌وتوونه‌ته جموجولَ تاوه‌كو كونفرانسيَكي ديكه به ناوي نه‌ته‌وه‌ي كورد له‌داربخه‌ن. وته‌بيَژي پ‌ك‌ك له ئه‌ورووپا (زوبه‌ير ئايدار) زوَر به توندي و هه‌رِه‌شه و گورِه‌شه‌وه چه‌ند ماده‌يه‌كي ده‌ستنيشان كردووه كه ده‌بيَت كونفرانسه‌كه له‌سه‌ر ئه‌و بنه‌مايه به‌رِيَوه برِوات ئه‌گينا ئه‌وان به‌شداري نابن و به ره‌واشي نازانن.
سه‌ير ئه‌وه‌يه كه هه‌موو ئه‌و مادانه‌ي كه ئايدار باسي ليَوه كردووه، به ته‌واوه‌تي ريَگه‌خوَشكه‌ره بوَ سه‌پاندني بيرو بوَچوونه‌كاني خوَيان و سياسه‌تي خوَيان و به ده‌سته‌وه گرتني كوَنتروَلَي كونفرانسه‌كه.
ئه‌وان پيَيان وايه عه‌بدوَلاَ ئوَجالان سه‌روَكي هه‌مووكوردانه، ئه‌مه له‌كاتيَكدايه كه به‌شيَكي زوَري كوردان، دلَيَكي خوَشيان له‌م كابرايه نييه و نه‌ته‌نيا به سه‌روَكي خوَياني نازانن، بگره به كورديشي له قه‌لَه‌م ناده‌ن. جا ئه‌مانه ده‌يانه‌ويَ چوار ئه‌ندام و لايه‌نگري خوَيان كوَبكه‌نه‌وه و ناويشي ليَبكه‌ن كونفرانسي نه‌ته‌وه‌يي. وه‌ك كونكره‌ي نه‌ته‌وه‌يي كورد له هه‌نده‌ران كه چوَن ده‌ست ليَوه‌ردانيان كرد و ئيَستاش هه‌موو ئه‌ندامه‌كاني هي پ‌ك‌ك و په‌ژاكن، ده‌يانه‌ويَ ئه‌مه‌ش وا ليَبكه‌ن. هه‌لَبه‌ت ده‌بيَت ئه‌مه چاك بزانن كه هيچ پارت و لايه‌نيَكي كوردي له‌م كونفرانسه به‌شدار نابيَت. چونكه ئه‌گه‌ربرِيار بيَت كونفرانسي نه‌ته‌وه‌يي له داربخريَت، ده‌بيَت ره‌نگ و بوَي نه‌ته‌وه‌يي هه‌بيَت نه‌ك ئوَجالاني، په‌ژاكي و پ‌ك‌ك يي.
بوَيه هه‌ر له‌ئيَستاوه با خه‌يالَي كاك زوبه‌يه‌ر ئاسووده بيَت كه كه‌س بيَجگه ئه‌ندام و لايه‌نگراني خوَيان له‌م كونفرانسه به‌شداري ناكات چونكه ئه‌وه كونفرانسي په‌ژاك و پ‌ك‌كه‌يه نه‌ك نه‌ته‌وه‌ي كورد.