په‌ژاكي بيَ حاجي
په‌ژاكي بيَ حاجي
له سالَي 2004 دا سه‌ركرده‌كاني پكك له دواي گه‌رِان و هه‌ولَدانيَكي زوَر توانيان حاجي ئه‌حمه‌دي ببيننه‌وه و بيكه‌ن به گوَپالَي ده‌ستيان تاكوو به ريَگه‌ي ئه‌و سياسه‌ته‌كانيان له‌ئيَران و له سه‌ر ئه‌نداماني روَژهه‌لاَتي به‌ريَوه به‌رن. حاجي ئه‌حمه‌دي زياتر له هشت سالَه كه سه‌روَكي په‌ژاكه به‌لاَم ئه‌وه‌ي كه پيَوه ديار نييه، سه‌روَكايه‌تييه. ئه‌م كابرايه كاتيَك ديَته‌وه كوردستان و يا خود ده‌رِواته قه‌نديل كه چوار قسه و باسي هه‌بيَت له‌گه‌لَ ئه‌ندامه‌كاني و ريَبازي سياسيان بوَ دابنيَت، زياتر قسه‌ي بوَ ده‌كريَت تا ئه‌وه‌ي كه قسه بكات. بوَ خوَي كه هيچي پيَ نييه. بوَيه باشتر وايه گويَ له قسه‌ي گه‌وره‌كاني پكك بگريَت تا به‌لَكو زياتر له بيرو بوَچوونه‌كاني ئوَجالان تيَبگات و جوانتر گويَراگر بيَت. حاجي له‌وانه‌ي سالَي چه‌ند جاريَك بوَ راگه‌ياندنه‌كان قسه بكات كه ئه‌ويش به هوَي فه‌ولي زوَره‌وه، تا چه‌ند روَژ ده‌بيَته بابه‌تي روَژي راگه‌ياندنه‌كان. له‌راستيدا حاجي كولَه‌كه‌ي دهستي سه‌راني پ‌ك‌كه‌يه. به گويَره‌ي دوائين هه‌والَه‌كان له‌باره‌ي حاجييه‌وه، نه‌خوَشييه‌كاني جاريَكي ديكه روويان ليَكردووه بوَيه تواناي به‌ره‌نگار بوونه‌وه‌ي هاوكاتي له‌گه‌لَ نه‌خوَشييه‌كان و به‌شداريكردن له وتوويَژه راگه‌ياندنييه‌كاندا نييه. له راسيدا په‌ژاك و پكك به دواي كه‌ساني وه‌ك حاجي، فايق گولَپي، عومه‌ر و ... ده‌گه‌ريَت تا بتوانيَت به‌ريَگاي ئه‌وان به ئارمانجه ميَژيينه‌كاني بگات. هه‌وساري به‌رِيَوه‌به‌رايه‌تي له نيَو ئه‌م فرقانه‌دا له دهستي چه‌ند كه‌سيَك دايه كه بوَ خوَيان به جوَريَك دانه‌ري ئه‌م ئايدئولوژيانه. ئه‌م چه‌ند كه‌سه كه ئيَستا خوَيان به جيَنشيني ئوَجالان داناوه، ريَگا به هيچ كه‌س و لايه‌نيَك ناده‌ن بيَجگه له‌وه‌ي ئه‌وان ده‌يلَيَن بجولَيَنه‌وه و ئه‌گه‌ر پيَچه‌وانه‌ي ئه‌وه‌ش بكه‌ن، ئه‌وه به مه‌ترسيدارترين شيَوه له‌ناو ده‌بريَن. بوَ ئه‌م توَيَژه‌ي هيچ فه‌رق ناكات ئه‌و دژبه‌ره كيَ بيَت. بوَيه زوَتر تيَده‌كوشن مندالَ و پيره‌كان بوَ لاي خوَيان رابكيَشن چون ئه‌م دو توَيَژه‌يه، زوَر به‌هه‌ست و ناسكن و له زووترين كاتدا ده‌كه‌ونه ژيَر كاريگه‌ري به‌رانبه‌ره‌وه‌و له‌راستيدا ده‌توانين بلَيَين ده‌بن به موريد. ئيَستاش حاجي ئه‌حمه‌دي بوَته موريدي ده‌ست چه‌ندومي ئوَجالان. ئه‌م خالاَنه‌ي كه باسمان كرد ده‌بن هوَي ئه‌وه ي كه ئه‌ندامه زل و زه‌به‌لاحه‌كاني په‌ژاك كه ئيَستا هه‌وساري ئه‌م فرقه‌يه به ده‌ستيانه‌وه‌يه، به‌رده‌وام به چاويَكي بچوك و گالَته‌جارِييه‌وه چاو له حاجي ئه‌حمه‌دي و قسه‌كاني بكه‌ن. له‌راستيدا هه‌ر ئه‌وان بوون كه هه‌موو لايه‌نيَكيان تيَگه‌ياند كه سه‌روَكه‌كه‌يان فوَرماليته‌يه و هيچ نازانيَت. جا ئاينده‌ي ئه‌م سه‌روَكه چي ده‌بيَت خودا ده‌زانيَت و ئه‌م ئه‌ندامه ژيَرئاوييانه.