په‌ژاك و پيَشل‌كردني په‌يماني ئاگربه‌س
په‌ژاك و پيَشل‌كردني په‌يماني ئاگربه‌س
هاويني رابردوو په‌ژاك دوا به دواي شكست هيَنانه‌كاني له‌به‌رانبه‌ر هيَزه‌كاني ئيَران و كوژراو برينداريَكي زوَر، داواي له به‌رپرساني سوپاي پاسداران كرد تا شه‌رِه‌كه رابگرن. ئه‌وانيش چه‌ند مه‌رجيَكيان بوَ دانا و دوائيش شه‌رِ راگيرا. سه‌ره‌كي‌ترين مه‌رجه‌كاني ئه‌م په‌يمانه، نه‌هاتنه ناو خاكي ئيَران و دوور كه‌وتنه له سنووره‌كاني ئيَران و ئه‌نجام نه‌داني هيچ چه‌شنه كرده‌وه‌ي چه‌كداري و تيَروَريستي له‌نيَو خاكي ئيَران. په‌ژاك هه‌مووي ئه‌مانه‌ي په‌سند كرد و له‌به‌رانبه‌ريشدا ته‌نيا داواي له‌سوپا كرد كه ليَيان نه‌دا.
دواي چه‌ند مانگيَك كه به سه‌ر ئه‌م په‌يمانه‌دا تيَده‌په‌ريَت، هه‌فته‌ي رابردوو هيَزه‌كاني سوپا دوباره له‌نيَو خاكي ئيَران و له‌گونديَكي نزيكي بانه، له‌گه‌لَ په‌ژاكييه‌كان روبه‌رِووي يه‌ك بوونه‌ته‌وه و بوَ ماوه‌ي چه‌ند خوله‌كيَك ئه‌م پيَكدادانانه به‌رده‌وام بوو. له‌ئاكامدا ئيَران ووتي 4 په‌ژاكي كوژراون و په‌ژاكيش دواي هه‌فته‌يه‌ك ئه‌م هه‌والَه‌ي به‌دروَ خسته‌وه‌و ووتي 8 پاسدار كوژراون و هيچ يه‌ك له‌ئه‌نداماني په‌ژاك زه‌بريان به‌ر نه‌كه‌وتووه. په‌ژاك له‌كوَتايي به‌ياننامه‌كه‌يدا وتوويه ئه‌مه مافي پاراستني ره‌وايه و ئه‌وان هيَرشيان كردووه سه‌ر ئيَمه.
ئه‌مه له‌كاتيَكدايه كه به گويَره‌ي ئه‌م په‌يماننامه‌يه ده‌بوا په‌ژاك له‌نيَو خاكي ئيَران دا نه‌بيَت به‌لاَم په‌ژاك نه‌ته‌نيا له‌نيَو خاكي ئيَران دا بووه به‌لَكو خه‌ريكي پاره‌وه‌رگرتن له‌خه‌لَكي ثاچاخچي بووه. بانه يه‌كيَك له شويَنه گومركييه‌كانه كه پژاك كردوويه به موَلَگه‌ي خوَي و به خوَشه و ناخوَشه پاره له‌خه‌لَكي هه‌ژار ده‌ستيَنيَت.