ياري ديموكراسي كه‌لَه‌پياواني PKK و ميني سه‌روَكه‌كه‌ي PJAK
ياري ديموكراسي كه‌لَه‌پياواني PKK و ميني سه‌روَكه‌كه‌ي PJAK
سه‌روَكايه‌تي يه‌ك له‌و مژارانه‌يه كه له‌كوَنگره ي په‌ژاك وه‌ك دوو خولي 4 سالَه دياري كراوه. ئه‌مه به‌م واتايه ديَت كه هيچ كه‌س بوَي نييه له‌دوو خولي 4 سالَه زياتر سه‌روَكايه‌تي بكات. له‌راستيدا زوَرتر مه‌به‌ست كاتي نيَوان دوو كوَنگره‌يه. له‌ماوه‌يه‌كي نزيك‌دا كوَنگره‌ي په‌ژاك ده‌ست پيَده‌كات و سه‌روَكي 2 خولي پيَشتر و له‌سه‌ر كورسي دانيشتووي ئه‌لَمانيا نشين، پيَويسته پله و پايه‌كه‌ي به‌جيَ بهيَلَيَ و كورسيه‌كه‌ي به يه‌كي ديكه بدات. چون عه‌بدولره‌حماني حاجي ئه‌حمه‌دي تا كوَنگره‌ي داهاتووي په‌ژاك 2 ده‌وره‌كه‌ي ته‌واو ده‌بيَت و چيتر به‌گويَره‌ي ياسا و ريَساي ناوخوَيي و په‌سه‌ندكراوي ئه‌م فرقه‌يه ناتوانيَت خوَي نامزد بكات بوَ پوَستي سه‌روَكايه‌تي.
ئه‌م روَژنه كه‌لَه‌پياواني PKK خه‌ريكي سه‌رقالَ كردني ئه‌نداماني PKK و PJAKن به‌لَكو بتوانن به‌جوَريَك له‌جوَره‌كان رازيان بكه‌ن كه ئه‌م بارودوَخي ئيَستايه ئاسايي نييه و كه‌سي ديكه‌ش ناتوانيَ وه‌ك حاجي ئه‌حمه‌دي ئه‌م پوَسته به‌رِيَوه ببات. كه‌لَه‌پياواني PKK له‌سه‌ره‌تاي دامه‌زراني PJAK له‌دواي گه‌رِان و ليَكوَلَينه‌وه‌يه‌كي زوَر توانيان حاجي ئه‌حمه‌دي وه‌ك كه‌سايه‌تي به‌كه‌لَك هاتووي ئه‌م ئيشه ده‌سنيشان بكه‌ن. ئيَستاش هاوكات له‌گه‌لَ نزيكبوونه‌وه به كوَنگره‌ي په‌ژاك كه‌سي ديكه‌يان نه‌بينيته‌وه كه وه‌ك حاجي ئه‌حمه‌دي گوَيَرِاگريان بيَت، بوَيه هه‌ولَ ده‌ده‌ن بوَ مانه‌وه‌ي حاجي ئه‌حمه‌دي له‌سه‌ر پوَستي سه‌روَكايه‌تي ياسا و ريَساكه‌ي خوَيان پيَشل بكه‌ن و دووباره حاجي ئه‌حمه‌دي بكه‌نه‌وه سه‌روَكي PJAK.